Pakistan News Update پاکستان نیوز اپڈیٹ
Related Articles
سندھ میگا منی لانڈرنگ کیس کی سماعت کے دوران بینکنگ کورٹ نے آصف زرداری اور ان کی ہمشیرہ فریال تالپور کی ضمانت قبل از وقت گرفتاری میں 23جنوری تک توسیع دے دی۔ عدالت نے ریمارکس دیے کہ سپریم کورٹ نے کارروائی سے روکا ہوا ہے ۔عدالت عظمیٰ کی اجازت کے بغیر مزید کارروائی نہیں کرسکتے۔آج بینکنگ کورٹ میں سماعت کا آغازہوا تو ملزمان کے وکیل نےاستدعا کی کہ ایف آئی اے کو حتمی چالان جمع کرانے کا حکم دیا جائے۔عدالت نے ریمارکس دیے کہ ہمیں سپریم کورٹ نے کارروائی سے روکا ہوا ہے اجازت کے بغیر ہم مزید کارروائی نہیں کرسکتے۔اس کے بعد عدالت نے بغیر کسی کارروائی کے سابق صدر اور ان کی ہمشیرہ کی عبوری ضمانت میں 23 جنوری تک توسیع کردی۔اس سے قبل 22 دسمبر کو ہونے والی سماعت پر بھی بینکنگ کورٹ نے بغیر کسی کارروائی کے آصف زرداری اور فریال تالپور کی ضمانت میں 7 جنوری تک توسیع کی تھی۔
