Pakistan News Update پاکستان نیوز اپڈیٹ
Related Articles
چیئرمین پاکستان پیپلز پارٹی بلاول بھٹو زرداری کے ترجمان سینیٹر مصطفیٰ نواز کھوکھر نے فواد چوہدری کی پریس کانفرنس پر ردعمل کا اظہار کرتے ہوئے کہا کہ وفاقی وزیراطلاعات کی پریس کانفرنس سپریم کورٹ کی ہدایات کی کھلم کھلا خلاف ورزی ہے۔ فواد چوہدری نے جے آئی ٹی پر بات کرکے عدالتی ہدایات کی دھجیاں اڑا دی ہیں۔وفاقی وزیراطلاعات اپنی منطق پر پہلے اپنی حکومت سے عمل کروائیں۔ وزیراعلیٰ سندھ سے استعفیٰ مانگنے سے قبل وزیراعظم کا استعفیٰ لاتے تو بات بنتی۔ فواد چوہدری وزیراعلیٰ کے پی کا استعفیٰ پیش کرتے۔ پرویز خٹک، علیم خان کا استعفیٰ سامنے آتا دوسروں کو نصیحت اور خود میاں فصیحت، ایسا نہیں چلے گا۔سینیٹر مصطفی نواز کھوکھر نے کہا کہ جی آئی ٹی رپورٹ صرف بہانہ ہے، ان کا نشانہ سندھ حکومت ہے۔ آمروں کے لے پالک سیاستدانوں سے حقیقی عوامی مینڈیٹ برداشت نہیں ہو رہا ہے۔ انہوں نے کہا کہ سندھ پر حملے کے خواہش مندوں کو پتہ لگ گیا ہے کہ وہ کس سے ٹکرا رہے تھے۔
