Home / انٹرٹینمنٹ / فلم ‘‘سڑک‘‘ کے سیکوئل کا سہرا سنجے دت کوجاتا ہے، پوجا بھٹ

فلم ‘‘سڑک‘‘ کے سیکوئل کا سہرا سنجے دت کوجاتا ہے، پوجا بھٹ

: بالی ووڈ کی معروف اداکارہ اور فلمساز پوجا بھٹ کا کہنا ہے کہ سنجے دت کی خواہش پرہی 1991 کی مشہور فلم ’سڑک‘ کا سیکوئل بنانے جارہی ہوں۔ بھارتی میڈیا رپورٹس کے مطابق پوجا بھٹ نے اپنی ماضی کی مشہور فلم ’سڑک‘ کے سیکوئل سے متعلق کہا ہے کہ فلم کا سیکوئل حقیقت کی شکل اختیار کرنے جارہا ہے اور یہ سب کچھ سنجے دت کی وجہ سے ہوا ہے۔ پوجا بھٹ نے بتایا کہ سنجے وہ واحد شخص تھے جنہوں نے مجھ سے فلم کا سیکوئل بنانے سے متعلق بات کی اور کہا کہ ہم فلم کا سیکوئل کیوں نہیں بنا رہے، اُن کی درخواست پر میں نے اپنے والد مہیش بھٹ اور انکل مکیش بھٹ سے بات کی جس پر دونوں کی جانب سے مثبت جواب ملا۔

اداکارہ نے مزید بتایا کہ پروڈکشن ٹیم فلم کی ریلیز کا اعلان کر چکی ہے جب کہ فلم کے کرداروں سے متعلق بہت جلد اعلان کردیا جائے گا۔ واضح رہے کہ 1991 میں مہیش بھٹ کی ہدایت کاری میں بننے والی رومانس اور تھرل سے بھرپور فلم ’سڑک‘ میں سنجے دت اور پوجا بھٹ نے مرکزی کردار ادا کیے تھے جب کہ فلم کا نیا سیکوئل 15 نومبر 2019 میں سنیما گھروں کی زینت بنے گا۔

Facebook Comments Box

About Web Desk

Check Also

عاطف اسلم کا ڈیمز فنڈ کے لیے 25 لاکھ روپے کا عطیہ

اسلام آباد: معروف گلوکار عاطف اسلم نے چیف جسٹس کے ڈیمز فنڈ میں 25 لاکھ روپے عطیہ کردیے۔ …